احلى حياة ... اخترت الاسم دا لمدونتى لأنى فعلا نفسى اعيش احلى حياة من غير وجع دماغ هدفى انى اعيش احلى حياه بشرط ان ضميرى يكون مستريح وانى اتعامل مع الحياه ببساطه ... فيها ايه يعنى انى سنى كبير ولسه متجوزتش عادى جداً لسه بكون نفسى اى نعم انا وسيم والحمد لله وشخصيه الى حد ما وفقا لكلام اصدقائى رائعه بس عادى جدا انى متجوزتش ايه يعنى انا لسه شاب فى سن الاربعين .. ايه يعنى متعلم ومثقف ومعايا كمبيوتر ودراسات عليا وبتاجر فى العلافه عشان ملقتش شغل لأن الشغل لازم معاه انجليزى ماهو التعليم بتاعنا الواحد بيخلصه عشان يبدأ يتعلم من جديد على حسابه تعليم جديد خاص للشغل ... طب بيبنى وبينكوا دى حاجه تستحق انى احرق دمى طب واحرق دمى ليه .. انا هدفى اعيش حياة سعيده
ايه يعنى البيضه بقت بخمسين قرش فيها ايه يعنى خلى التجار يكسبوا احنا ليه وحشين كدا يا مصريين ليه بنحقد على الناس وبنبصلهم فى رزقهم
ايه يعنى مش بشتم فى الحكومه ولا فى الريس ولا مضايق ان جمال يبقى الريس الجديد ولا غيره ... طب بينى وبينكوا لو انا شتمت او مشتمتش مش هيه بردو هتفضل الحكومه يبقى انا الافضل اشوف نفسى واكون نفسى واتجوز
متقولوش انى رجعى ولا سلبى ولا متخلف .. طب انا عايز افكر معاكو تعلوا بكره كده اجيب حوالى 5000 واحد من زمايلى واد خمسميه كمان من عند عم موسى الاهوجى اللى جنبنا من العاطلين على عم على بتاع الفول والشيخ محمد بتاع الفراخ ونروح نعمل مظاهرة قدام رئاسة الوزراء ونطالب بحقنا ونقلب الدنيا هه؟؟؟؟؟؟؟؟؟؟ ايه اللى هيحصل ولا حاجه
يأما هنتمسك ويحاولوا يلبولنا مطالبنا فى امن الدوله بس طبعا الدوله مشكوره عليها اعباء كتير واحنا هنقدر وهنقولهم براحتكوا لما تخلصوا اعبائكم ابقوا شوفوا مطالبنا
ياما هنتمسك بردو وهيشوفوا مطالبنا بردو ويحاولوا يحققوها ونرجع نقعد على قهوة عم موسى والست ام احمد جارتنا بردو هتيجى تاخد من عندى عدس شكك عشان تأكل السبع عيال من اول الواد زئرد الصغير لغاية الواد محروس الكبير اللى فى ثانوى تجارى
وحياة امه لو كان مش فى ثانوى تجارى دا لو كان فى جامعه بردو هيشتغل مع اللسطه عبده النقاش
ها يبقى اوجع دماغى ليه ... يبقى الاولى انى اعيش مع نفسى احلى حياة واتجوز
طب اقولكوا على سر بقى انى مكون نفسى بقالى خمس سنين بس مش لاقى عروسه مع انى والله شكلى صغير وسنى لسه هخش على الاربعينيات ولسه شاب خام زى مانا مفيش اى بنت عملت معايا اى حاجه اصلى بصلى وعارف ربنا
اقولكوا هنكمل بعدين
بس انا نفسى تيجوا تعيشوا معايا احلى حياة
11 comments:
انا على يقين بانك انسان رائع تمتلك الادوات التى تؤهلك بان تكون ناجح فى هذه الحياه ربما اثقلت الحياة عليك ربما رمت بظلالها البائسة عليك ربما ولكن لابد ان نتفهم جيدا ان هذه هى فلسفة الحياةالتى نعيشها فهى الدنيا على الاطلاق فلابد ان نكون على قدر كبير من الاستعداد لمواجهتها
...........
ايه الكلام اللى انا كنت بقوله ده
انا اقصد.. بالله عليك يا شيخ تغير الصورة دى ربنا يكرمك ربنا يعزك
لا تجعلنا نحيد بتفكيرنا ونرسم صورة زهنية خاطئة عنك ..تكلم كما تروق لك حياتك الطبيعية ابدر مشاعرك على الورق وعيش احلى حياة بكلمات تعكس واقعك ولا شىء غير هذا
......
على فكرة تعليقك عندى ابهرنى ربما واخجلنى ايضا؟؟؟؟؟؟؟
تحياتى واسف للاطالة
أولا
مرحبا بك في عالم التدوين...زدنا واحد....ربنا يزيد و يبارك
أما بقى عن كلامك ... فوالله قطعت قلبي..غيرش بس الصورة الي حضرتك حاططها دي....قبل ما الواحد يعك في الكلام..أحب اعرف دي صورتك ولا لأ؟؟
عموما..لنا زيارات و جولات عندك هنا...بس ما تنساش اللب والسوداني من المقلة الي جنب عبده القهوجي...تحياتي و مبروك المدونة
الف مبروك على المدونة و ان شاء الله تبقى مدون هايل
على فكرة انا فى انتظار تدويناتك بجد..انت فين
..............
والله يكرمك اوعى تنسى تغير الصورة دى
اوعى تنسى ..معلش انا عارف انى بتاقل عليك بس.. خليها عليك وغيرها
فى انتظارك
مرحبا بك في عالم التدوين
انتظر منك العديد من الاسهامات
وكل عام وانتم بخير
انت فين يا عم
ولا رحت و قلت عدولي
الاول
الف مبروك عالمدونة
بعد كدة هاقولك حياتك حلوة مادام انت سعيد بيها
وفى الاخر اقولك
لية ميكونش عندك امل انها تبقى احسن
هيا ممكن تبقى احسن
لا انا بضحك عليك مش ممكن تبقى احسن ابدا
تصدق انا نفسى محتار
ومعنديش تقوع صحيح
بس اكيد فى امل انها تبقى احسن
السلام عليكم رحمة الله وبركاته
يااااااااااااااسلام
فيه لسه كده فيه لسه تفاؤل وأمل فى الحياه مع كل دى
طب وليه لاء بام ربنا موجود
أهلا بحضرتك فى أسرتنا
أسرة المدونين
بدايه موفقه
دومت بخير
والسلام عليكم ورحمة الله وبركاته
جئت على استحياء هل ستتقبل تعليقى للمرة الثالثة ام لا
ربما اثقلت عليك
...
لم اقصد السخرية على الاطلاق ولم يكن لها مكان فى اجندة دماغى على الاطلاق
فقط مزاح ..ربما لم تتقبله ولهذا اكرر اعتزارى
....
انى احبك فى الله
******
على فكرة تعليقك عندى للمرة الثانية اخجلنى للغاية ربما وترك بداخلى اثرا عميقا
واحساس لا اقدر على وصفه
لانك ببساطة قلت كلاما يعبر عن وجهة نظرى الشخصية ..وربما هربت منه احيانا
..
تحياتى لك وبارك الله فيك
مبروك المدونة مكنتش اعرف انك جديد زى فى عالم التدوين كنت فاكرة انا اخر واحدة
كل سنة وانت بالف خير
مبروك على المدونة :)
"ماهو التعليم بتاعنا الواحد بيخلصه عشان يبدأ يتعلم من جديد على حسابه تعليم جديد خاص للشغل"
معاك حق فعلا وحتى التعليم بتاعنا اللي يناسب الشغل بقى غالي وبفلوس قد كده
:S:S
ربنا يعافينا ويعفو عنا ويصلح الحال يااارب
Post a Comment